Tuihawkin a len vanga thi, Ruby Lalrinsiami kum 6 mi ralna Bawrhsap Pu Donny Lalruatsanga'n a hlan.

Kar hmasa Zirtawpni September 11 tlai a Tuihawk in a lak vanga thi, Lawngtlai College Venga, Pu B.Lalbawiliana Fanu, Ruby Lalrinsiami Kum 6 chu vawiin khan Lawngtlai Bawrhsap Pu Donny Lalruatsanga'n Sorkarin a ralna cheng Nuai 4, Ruby Lalrinsiami Nu leh Pa hnenah a hlan.

Pu Donny Lalruatsanga chuan Ruby Lalrinsiami'n vanduaithlak taka nunna a chan chu Sorkar leh a mimal ang pawn an tawrhpui takzet tih sawiin, hengtiang a lo thlen palh takah chuan District Disaster Management Authority chuan a tihtheih ang ang a bawhzui nghal tih sawiin, Ralna sum hlan a ni ta a ni, a ti.

Ruby Lalrinsiami ralna hun hi MJA Lawngtlai District President Pu Elvis Lalthangzuala'n kaihruaiin, chhungka wlam atang pawn an vanduaina tawh ah Sorkar leh khawtlangin an ngaihven leh chhawmdawlna ah lawmthu an sawi.

Ruby Lalrinsiami kum 6 hi Zirtawpni tlailam khan ruah sur nasa tak karah Dawr a thil leitura a thiannu nen an kal chu Tuihawk luankawr ah chesual palhin metres 300 vel Tuihawk hian lenin, chhan theih a ni ta lova, a tuk Inrinni ah aruang enfiahin buaipui ngaite buaipuifel a nih hnu ah Lawngtlai College Veng thlanmual ah phum ani.