Vawiin khan Central Young Lai Association buatsaihin Kaladan Multi Modal Transit Transport Project in a nghawng tur sawihona, YLA Golden Jubilee Hall ah, Pu T.Lalhlimpuia MLA, Chairman, Study Team hovin neih a ni.
He hun Pu JH Lalrindika General Secretary, Central YLA kaihhruaiah hian Pu T.Lalhlimpuia chuan Mizoram chuan Kaladan Multi MOdal Transit Transport Project chu reiloteah a nihdan tur angin hmantheih a ni thuai dawn a, hmasawnna hi tangkai taka Zoram mipuiin an chhawr a pawimawh tih sawiin, he Project in a kentel hrang hrangte a tha zawnga hmang thei turin inbuatsaih a tul hle a ni a ti.
Pu T.Lalhlimpuia chuan KMMTTP hian min nuai tak tak hunah keini ho hi ke kawngpuiin a kentel, hna hniam zawk thawktu ah ringawt kan tang ang tih a hlauhthawm hle a ti a, heivang hian Sorkar chuan Zirchiangtu Study Team dinin, a theih ang angin he Project lo hmachhawn dan tur hi inzirtir mek a ni a ti bawk.
Pu Zomuana, Member Secretary, Study Team chuan KMMTTP in a nghawng tur leh lo hmachhawn dan tur, he Project kan tangkaipui theih nana tihtur hrang hrangte a sawi.
Vawiin a KMMTTP chungchang zirhona ah hian MLA pahnih Adiviser to CM, Dr.Lorrain Lalpekliana Chinzah leh Pu C.Ngunlianchunga te pawh an tel a, Central YLA hruaitute bakah Lawngtlai khawpui chhunga Branch YLA hruaitute, Tlawmngai pawl dang hruaitute leh Chanchinbumite telin, sawihona leh zawhna leh chhanna huamzau takin neih a ni.
Tags
News