MLA leh MDC, Pu C.Ngunlianchunga'n tukin khan a bial chhunga kawng siam mek leh leimin a hmunah a tlawh.

Lawngtlai West MLA,  Lawngtlai Vengpui bialtu MDC nibawk, Pu C.Ngunlianchunga'n tukin khan a bial chhunga Kawng siam mek leh leimin a hmunah a tlawh.

Tunlai hian PWD Lawngtlai Division ten Lawngtlai Vengpui leh New Vengpui huamchhunga kawngpui thawmthat hna an thawk mek a, Vengpui bialtu MDC Pu C.Ngunlianchunga chuan hnathawktute chu kawngtha leh tlo zawk a awmtheih nan a nihdantur anga hnathawkturin a chah a, khawtlang hruaitute pawh hnathawktute thataka tawiawma, puih an ngaihna ah pui thin tur leh kawng tha leh tlo zawk a awmtheih nan hnathawktute vil taima turin a chah. Kawngpui siammek hi Vengchhung tan kawng pawimawh a nih bakah Christian Hospital leh Lawngtlai SP Office panna niin, kawng pawimawh tak a ni.

Lawngtlai West bialtu MLA Pu C.Ngunlianchunga hian a bialchhung, Supply Kudam thlanga kawng chhuat bal pawh khawtlang hruaitute nen enin, Lawngtlai DC in a zualpui thawmthat nan Rs.70,000/- a ruahman bakah Bialtu MLA hian Rs.80,000/- MLA Local Area Development Fund atangin a pekbelh a, helai kawng tlabal siamthat hna hi khawtlang hruaituten an thawk ang.