.jpg)
Multi Modal kawngpui chu nakum lawk ah chuan a takin hawn a nih mai hmel tawh, a tangkaidantur aiin, kan tangkaipui dantur zawk hi vei a tul a, tuna kan nih ang ang hi chuan he kawngpui pawimawhtak tur hi a takin la kalpui rihloh nise tih a duhawm zawk mah maithei.
Bungrua chi hrang hrang a rawnlut zut zut anga, Lawngtlai District a paltlang anga, Bungrua rawnluhna lamah enge keini hian kan thawnluh ve tak ang ?. A kalkawng ringawt nih hian ram mipui tan eng hlawkna nge a puakchhuah dawn ? A hun rawn thlengse, a tlachhawpin kan tangkaipuina tur mahni thiamdan leh theihna ang anga lo dap mai tur em ni ang ? Awmzeneia lo inbuatsaih a tula, mipuiin inbuatsaih ngawt dan an hrelo, an banah kaih an ngai tih hi thil chiang a niin a rinawm.
Rel pawh Hmawngchhuah thlenga lutturin ruahmanna a awmna a rei tawh, Rel hi rawnlut tase, keini hian enge hnemhnanna tur kan neih ang, zin veivahna mantlawm zawk piahlam, kan Bank Account timuk thei zawnga hmasawnna lo thleng mek leh thleng turte hi kan hman a tul.
A nihna tak ah chuan, tuna kan nih ang ang hi chuan hmasawnna thenkhatte hi chu kan mamawhber an ni kherlo thei tih a chianga, keimahni lam kan inpeih ve a pawimawha, kan inpeih siloh chuan hmasawnna hi kan chhiatna thlentu a ni thei.
Mithiam leh hmangchang hria, hmalak a tulnaa theihtawp chhuahtur Sorkar, ruahmanna thataka kalpui ngam mipui pawimawhna a lian viauin a hriat.