Executive Member Pu H.Vanlaltanpuia hovin Hindi Diwas hman ani.

Nimin kha Hindi tawng hman Ni Hindi Diwas a ni a,  Lawngtlai ah chuan LADC a  Executive Member,  Middle School changtu Pu H.Vanlaltanpuia hova hman ani.

Lawngtlai Chandmary veng YLA Hall, Chandmary Inpui a Hindi Ni hmanna ah Khuallian Pu H.Vanlaltanpuia chuan LADC Sawrkarah Hindi Propagation Wing chuan School naupang ten Hindi ah hma an sawn theihna turin hma a la mek ze tih sawiin, India rama chengte kan inlungrualna chu Hindi tawng ah ani ati a. India rama cheng kan nih angin,Hindi tawng chu kan thiam ngei ngei a pawimawh tih a sawi a, Khawvel hmasawn zelah Tawng hrang hrang thiam tura kan in update ve zel angai a School a kan zir mai piah lamah,  tawng zirna atan Social Media hmang tangkai thiam turin kalkhawmte a chah bawk.

Lawngtlaia Hindi Diwas hmanna ah hian Pu B.Lalhnuna, Elementary Education Officer,LADC pawhin thu a sawi a, LADC leh CSS hnuaia Hindi Zirtirtu atangin Hindi tawng pawimawh zia ngaihthlak a ni a, School hrang hrang atangin zirlai naupang ten Special items neiin, Single Use Plastic hman uarloh inzirtirna chu a taka hman nghal ani a, Plastic lam chi reng reng he Programme ah hian hman anilo.