Nimin Zirtawpni khan Lawngtlai Bawrhsap - in Corporate Social Responsibility (CSR) kaltanga, Zorinpui leh Paletwa (Myanmar) inkar kawngpui laitu, IRCON International Ltd - ten Zochachhuaha 'Health Centre' an sak a hawng a, Pu Sanjay AK Tripathi, Project Head, Myanmar Branch- leh a thawhpui ten an lo dawngsawng.
Pu Donny Lalruatsanga chuan tangkai leh hlawk taka a mamawhtuten an chhawr theih nan 'Health Centre' a hawn thu a sawi a.Mipuite mamawhna hriaa IRCON International Ltd - ten Health Centre an sa chu lawmawm a tih thu sawiin, Health Centre - chu Zochachhuah leh a chhehvel khuate bakah KMMTTP Kawngpui zawhtuten an chhawr tangkai dawn hle a ni,a ti. Sumdawnna khawihtu Company - ten khawtlanga mawhphurhna an neih an hlenchhuahna CSR chu Lawngtlai District- a company dangte pawhin uar zawka an kalpui a tul hle tiin, hemi chungchangah hian Company hrang hrang leh Bank - te inbiakna a neihpui tawh thu a sawi.
Pu Sanjay AK Tripathi chuan Bawrhsap ngeiin a hawng thei chu lawmawm a tih thu a sawi a. CSR kaltlanga hmalakna tha zawk a awm zel a beisei thu sawiin Bawrhsap hnenah hian Health Centre - Chabi a hlan nghal a ni.
Health Centre - hawn tâk hi a vâng - 11meters leh a dung - 7.5 meters niin Labour Room- , Patient Registrarion Room- leh Doctor Room a awm a, cheng Nuai 25 senga sak a ni.