Lawngtlai hmasawnna tur Tho Law Dir Tuah (Stand Up Lawngtlai) Adviser to CM in a hawng.

Lawngtlai khawpuiin Faina, thianghlimna leh mawina, inrelbawlna tha a neihtheih nan a District Administration leh LADC tangkawpin hma an lakhona tur Tho Law Dir Tuah (Stand Up Lawngtlai) kalpuitur chu vawiin khan DC Conference Hall, Lawngtlai ah Adviser to CM Dr.Lorrain Lalpekliana Chinzah in a hawng.

Dr.Lorrain Lalpekliana Chinzah chuan Lawngtlai khawpuiin hmasawnna a neih theih nan a hmalakna tur ruahman a ni chu lawmawm a tih thu sawiin, Bawrhsap leh CEM ten ngaihtuahna thuitak an lo nei chuan khawpui tan chona nasa tak a hmachhawn a ngai dawn a, tutemah he hmalaknaah hian awl theih a ni dawnlo a ti.

LADC a Chief Executive Member Pu C.Lalsawmzuala pawhin thusawiin, Bawrhsap Pu Donny Lalruatsanga'n Lawngtlai khawpui leh District a hmangaihna atanga he hmalaknatur hi duan a ni a ti a, tanrualna thatak hnuai atangin Lawngtlai khawpui chuan hmelther a hmuh ngei a beiseiawm hle a ti.

Tho Law Dir Tuah  hawnna ah hian LADC a Sanitation and Wasate Management changtu Executive Member Pu JB Vanhoy bakah Lawngtlai SP Pu PC Lalchunglura te pawn thu an sawi.

He hun kaihruaitu Bawrhsap, Pu Donny Lalruatsanga chuan tute pawn hmangaihna leh neitu nihna thinlungpu chunga kan khawpui kan enkawl chuan  reiloteah Lawngtlai khawpui hian hmelther a hmu ngei ang a ti a, hmalakna tura ruahmanah LADC leh Police lam te Tlawmngai pawl leh Chanchinchinbumite an phur takzet tih sawiin, tanrualna nen theihtawp chhuahturin mawhphurhna neite a sawm.