Lai Autonomous District Council a Information & Public Relations Officer Pu Vanlalhnema chuan vawiin khan MJA Lawngtlai District hruaitute kawmin, Media thangzelah Journalist te hlutna a zual deuh deuh thu a sawi.
I&PRO Chamber a in kawmhona ah hian Pu Vanlalhnema chuan Media thanna nasatak karah mipuiin thudik leh rintlak an zawng nasa tih sawiin, Chanchinbumi ten mipuia thehdarh tur chi nguntaka thlifima, Journalist zia diktak an chawinung thin chu a hlu a, chanchinthar thehdarhna ah rang leh ngialngan taka thehdarh tamtak a awm a, Social media ah hetiang hi hmuhtur a tamin, mipui tana himlo leh chhungkua leh mimal ang pawha tawrhzui theih a awmfo thin a ,chanchinthar thehdarh kawngah a nghawng awmthei ngun taka ngaihtuahna fim nen an hna thawk zel turin I&PRO chuan Lawngtlai Chanchinbumite a ngen a, LADC Sorkar chu Chanchinbumite tello chuan akalh a kimlo ni a sawiin, thawhhona thatak an neihsa chu vawnnun reng a duh thu a sawi.
MJA Lawngtlai District hruaitute chuan LADC Sorkarin Chanchinbumite kawng hrang hrangin a duhsak thin chu lawmawm an tih thu an sawi a, Sorkar hmalakna puanzar leh Sorkar hmalakna turah pawh vawi tamtak rawtna an thlen tawh thinte pawh LADC Sorkar chuan a ngaipawimawh thin chu lawmawm an tih thu an sawi a, LADC Sorkar tan tangkaina an neih apiangah theihtawp chhuah an inhuam thu MJA hruaitute chuan an sawi.
Vawiina inkawmhona ah hian LADC Sorkar hnuaia Information & Public Relations Department in hmalakna a kalpuimek leh hmachhawpte, hmalak dan tur te an sawiho.