Nimin khan Lawngtlai Bawrhsap Pu Donny Lalruatsanga leh Lai Autonomous District Council a Chief Executive Member Pu C.Lalsawmzuala ten Hruitezawl an tlawh.
Bawrhsap chuan Hruitezawl a an mahni lo dawngsawngtu khawtlang hruaitute hnen ah Hruitezawl chu Myanmar nen insumdawn tawnna hmun a ni a, dan lova ramdangmi luhna remchang a zau hle tih sawiin, heng lakah hian khawtlang hruaitute chu fimkhura thataka Sorkar thawhpui turin a hrilh a, tun dinhmun ah Hruitezawla Raltlan In 300 vel awmte pawh an khawsak leh chetvelna te dan kalh a awm leh awmloh chik thin turin a hrilh bawk.
CEM Pu C.Lalsawmzuala chuan Chhimtuipui lui dunga Lawng chetvel dante, bungrua lut leh chhuakte chu Council Sorkarin awmzenei zawkin kalpui a tum tih a sawi.
Bawrhsap leh CEM te hian Hruitezawl chhaka khualzin te tlawh hlawh tak, Lungmak an tlawh bawk a, khuanun a duan hmun mawi leh ropui tak mai Lawngtlai District leh Siaha District in a nei chu District pahnih vanneihna a ni an ti a, heng hmunte hi a nihdan tidanglam silova, tlawhtuten awmlsam zawka an tlawh theih dan turte, a hmun hma pawh hahchawlhna remchang zawk siam a tul thu te an sawi.
Bawrhsap leh CEM te hi Additional DC Pu David Lalrinawma leh Addl SP Pu David JB bakah LADC a Transport Officer Pu HC Vanlalruatpuis leh LADC a I&PRO Pu C.Lawmsangzuala bakah MJA Lawngtlai District hruaituten an tawiawm.
Tags
News