SP Lawngtlai Pu Dheeraj Dwarka Gaadhi chuan Lawngtlai District MJA te chu dan leh thupek kenkawhna ah thawhpui atan a sawm.
Lawngtlai SP thar hian vawiin khan MJA Lawngtlai District hruaitute lengah sawmin, chhun thingpui a inpuia, Lawngtlai chu khawpui nuam, a michengte pawh fel leh hlimtak an ni tih sawiin, nuam a tih thu a sawi a, Lawngtlai District chu ramdang nen ramri thuitak intawm a nih vangin dan leh thupek kenkawhna ah Police ten theihtawp an chhuah zel tur thu sawiin, Chanchinbumite chu kawng hrang hranga Lawngtlai Police te thawhpui turin a sawm a, an tanhona chuan rahtha a chhuah ngei a beisei thu a sawi.
Lawngtlai SP chuan Police te chu nileng zankhuain englaipawhin mipui tan an duty tih sawiin, District nuam leh ralmuang, boruak nuamtak siamturin Tlawmngaipawl, khawtlang hruaitute leh District mipuite theihtawp chhuahpui ah a sawm bawk.
Lawngtlai District MJA hruaitute chuan rampawn atanga rawnlut thinte chu khuahkhrihna khauh zawk neih tul ni a an hriat thu SP hi hrilhin, khawpui inrelbawlna leh ngaihpawimawh an neih hrang hrangte an sawi a, SP chuan MJA hruaituten hmalakna tur an sawite chu a theih anga lo bawhzui a tum thu a sawi.
Tags
News