.jpg)
Tunhnai khan MJA Lawngtlai District hruaitute chuan LADC a Sanitation & Waste Management Officer kaihhruaina hnuaiah Lawngtlai khawpui daifema, bawlhhlawh paih te a hmunah an en a, a paihna tur hmun nilova Bawlhhlawh paih engemawzat an hmu.
Heng Bawlhhlawh paihte hi thenkhat chu kawng atanga lang mailo a nih laiin, thenkhat chu kawngpui kam mai ah paih a ni thunga, heng hian Lawngtlai khawpui chu a felfailoh zia a tilang chiangin, hetiang tih chingte hi he khawpui a cheng an nih ngei a rinawm si hian hmangaihna nena he khawpui thlirtute rilru a tina takzet.
Bawlhhlawh paihte hi a tlangpuia en in, chhungkaw khawsak harsa zawkte bawlhhlawh niin a hriat loh a, heihian ngaihtuahna a tithuiin, a paihna tur hmun nilova paihte hi manchhuah ni tase, Kohhran leh Khawtlangah mitangkaitak takte pawh an tel mai awmmange a tih theih lai hian kan khawpui hian hmangaihtu a mamawhzia a tilang.
I Love Lawngtlai Signage intarna bulvel ah pawh bawlhhlawh tamthamtak paih a ni, Lawngtlai hi a thu leh Status ah chauh i hmangaihlo teh ang u.