Pu C.Lalsawmzuala, LADC a Chief Executive Member chuan Chanchinbumite hlutna chu a zualzela, Journalist te chu tunlai hmanrua hmang chunga intuaihriam deuh deuh turin a fuih.
CEM hian Mizoram Journalists' Association din champha vawi 54 na lawmna, MJA Lawngtlai District ten Lawngtlai Press Club a an neih a hmanpuina ah Journalist te chu ram leh khawtlang siamṭhatna ah chanvo pawimawhtak neitu an ni tih sawiin, mahni intuaihriam peih apiangte tangkaina a zual thin a, Journalist te hlutna chu sum leh pai hmanga teh theih a nilova, Sorkar leh mipuiin an laka rinna an nghat thin hian an hlutna a tifiah thin a ti a, Journalism chu eizawnna peng pakhat a nihrualin, an hna chu Pathian rawngbawlna pawimawh tak a ni a ti.
MJA Lawngtlai District Vice President Pu H.Lalrinmawia kaihhruaiah Khual zahawm, Pu Lalropuia Chinzah Executive Member, I&PR changtu pawhin thusawiin, Lawngtlai Chanchinbumi ten LADC Sorkar nen thawhhona thatak an nei chuan MJA Lawngtlai hruaitute puitlin zia a tilang a ti a, thawhhona ṭha leh ṭanrualna nen Chanchinbumi ten hma an sawn theih nan LADC Sorkar chuan theihtawp a chhuah zel ang a ti.
District MJA President Pu Elvis Lalthangzuala chuan MJA chanchin tlangpui sawiin Kum 1972 March 23 a din a nih atanga vawiin thlenga hruaitu leh Member te vangin MJA chu pawl zahawm a ni a ti a, Lawngtlai District MJA ten rampum huap pawh a pawlin hma a sawn theih nan rawtna tha tak tak a nei thin chu Member te thawhrimna vang a ni tiin, Lawngtlai District MJA ten inrelbawlna thatak nei chu chhuanawm a tih thu a sawi a, MJA Member te chu nasa zawka an hna ah ṭan la.sauh sauh turin a fuih a, State le Council Sorkarin Journalist te a dah pawimawh thin chu lawmawm a tih thu a sawi bawk.
Tags
News