Vawiin khan DCSO Lawngtlai Pu Lianchhuma Chinzah chuan Lawngtlai a Filling Station te dinhmun a enfiah a, tun dinhmun ah Petrol leh Diesel ah thlaphanna tur a awm lo.
Lawngtlai Bawrhsap hova thurel bawhzuiin Filling Station te hi DCSO leh Police lam ten enfiahin, Lawngtlai a Filling Station pali, MIzofed Filling Station, B.Sangchem Filling Station, Mavula Filling Station leh F.Rothuama Filling Station ah te Petrol leh Diesel dinhmun a tha a, kalkawng a thang mek engemawzat a awm bawk.
DCSO Pu Lianchhuma Chinzah chuan West Asia buaina vangin Petrol leh Diesel ah harsatna tawh palh theih a nih vangin Filling Station enkawltute chu mipuiin chaklak lohva Petrol leh Diesel an lak theih nan an Oil chhekkhawl dinhmun hrechiang chunga hralhchhuak thin turin a hrilh a, Bawrhsap hova rel tawh angin Petrol leh Diesel chhekkhawlsa Litres 8000 chin ah bur a dawh phal a nih loh thu leh Litres 5000 chin chu Permit hmanga pekchhuah a ngaih thu DCSO chuan Filling Station enkawltute a hrilh bawk.
DCSO chuan tun dinhmun ah Petrol leh Diesel dinhmun a tha tawk a, West Asia indona vangin emaw, chhandang vang pawn mipui tan chiaina tur a awm lova, renchem thiam erawh mitinin kan thiam a that thu a sawi.
Tags
News