Cascade Tui a thianghlim tawka, mipui tan thinhrik tur a awmlo.

Lungleia hmunpui nei, Tui thianghlim intur siamchhuaktu Cascade neitute chuan an Tui chu a thianghlim tawk tih vawiin khan Lawngtlai Press Club ah Chanchinthar thehdarhtute kawmin an sawi.

Cascade neitute Pu Ruhlupuia leh Pu Malsawmzuala te chuan tun thlatir lam ah Cascade Tui Lawngtlai a hralhchhuah chu a thianghlim tawklo tih Social Media lamah a darh tih an sawia, Sorkar thuneitu lam leh an mahni lam pawn hma an laknghal thu leh, Tui thianghlimlo ni a sawi chu PHE Department Lawngtlai  leh Lunglei bakah Civil Hospital Lunglei ah pawh enfiah niin, a thianghlim tih finfiah vek a ni an ti a, heivang hian Cascade Tui chu mipui tan thinhrikna tur a awmlo niin an sawi.

Cascade Tui siamchhuaktute chuan Lawngtlai District ah an Tui chu thahnemtak hralhchhuah thin a ni chu lawmawm an tih thu an sawi a, theihtawpa thianghlim leh thain hna an thawh thin thu an sawi.