Lawngtlai Police ten nikum 2025 February thla atanga kumin February thla inkara ruihhlo an man Rs. 2,65,69,336/- man hu a chhut chu vawiin khan Lawngtlai Bawrhsap Pu Donny Lalruatsanga hovin an tichhia.
Lawngtlai Police ten ruihhlo an man hi District Hospital a bawlhhlawh paihna ah damdawi hmanga chhiah chhiain paih a ni a, Bawrhsap Pu Donny Lalruatsanga chuan ruihhlo dovin Sorkar chuan theihtawp a chhuah thu sawiin, hak zauhnan Operation Jericho chu ṭha leh chaktakin District chhungah kalpui a ni a, Tlawmngai pawl hrang hrangte nen thawhhona thatak hnuaiah ruihhlo do a ni chu lawmawm a tih thu a sawi.
Bawrhsap chuan ruihhlo do chu Sorkar leh tlawmngai pawlte kutah chauh dah chi nilova, mipui nawlpuiin theih tawp an chhuah chuan Lawngtlai District chu ruihhlo lakah a fihlim chhoh a beisei thu sawiin, Ruihhlo awmlohna Veng leh khua te chu lawmman tha tak siamsak tumin ruahmanna kalpui mek a ni a ti.
Vawiin a ruihhlo tihchhiatte hi Methamphetamine 8.127 Kgs. Opium 34.12 Kgs. leh Heroin Grams 220 a ni tih Lawngtlai SP Pu PC.Lalchunglura chuan a sawi.