Lairam Isua Krista Baptist Kohhran, Rorelna sangber, Assembly Vawi 27-na chu March 18, 2026 (Nilaini) zan atang khan College Veng Tualchhung Kohhran Biak In, Lawngtlai-ah neih niin zanin hian a tiak ang.
Kum 2026 LIKBK Assembly ah hian Department hrang hrang atangin Reports 169 awm in, thurel tur Agenda 15 chhawpchhuah a ni. Thupui “Rinawmna” tih chu then hrang hrang hmangin Sermon ngaihthlak a ni. Vawiin Pathianni zing inkhawmah Minister Penson thlahna, Minister nemngheh leh Probationary Pastor lakluhna Rev. Dr. L.H. Lalpekhlua, Gen. Secretary in a nei.
Kum 2026-2027 Assembly Budget atan Vaibelchhe thum, Nuai zakua, sawmhnih leh panga (Rs.39,25,00,000/-) chu pawm a ni. Kum 2026-2027 Assembly thupui atan “Krista lo kal lehna” thlan a ni. Kum 2027 Assembly CHU Moria, Chandmary, Lawngtlaiah neih a ni ang.
LIKBK Assembly 2026 a rorel langsang zual te
Lairam Isua Krista Baptist Kohhran ordained Minister ten Active Politics an luh chilh chungchangah Inkaihhruaina (Policy) mumal tak siam nise
Nilai zan thuzir Assembly-in a kalpui mêk hi tuna an ruahman chin kum 2029 bak hi chu tihtawp a, sermon inkhawma thlâk ni se.
Thlaithar Kût” tih hi inrinnia hmang lovin Pathianniah “Thlaithar hlan ni” tia hman tawh thin ni se, tih te a ni.
LIKBK Assembly tawpzan zanin inkhawm chu Assembly Chairman Upa F.Sangdawna'n a kaihruai anga, Chairman kalchhuak Upa LH Mawia'n Pathian thuchah a sawi ang.
Tags
News