Swachh Bharat Mission 2.0 hnuaiah Swap & Save buatsaih, District Project Officer in a hawng.

UD & PA Lawngtlai buatsaihin vawiin khan thil thleng leh thawhkhawm, a mamawh ten a thlawn a an lakna hun Swap & Save chu Lawngtlai DC Office tual ah SDO(Sadar) Pi Margareth J,Vanlalremmawii  District Project Officer  UD&PA chuan a hawng.

 District Project Officer  chuan India rampum huap Faina beihpui thlak thawh hnihna Swachh Bharat Mission (Urban) 2.0 hnuaiah Triple R ti a hriat (Reduce, Reuse, Recycle) chu UD&PA Lawngtlai chuan theihtawp chhuahin a kalpui tih sawiin, Swap & Save chu vawiin a mi nen vawi thum an buatsaihna a nih thu a sawi a, thil engpawh a neituten an mamawh tawhloh, la hmantlak si chu mipui lamin an thawhkhawm theihna siamsakin, chungte chu a mamawhtuten a thlawn a an lak theih turin phochhuah thin a ni a, a mamawhtuten an tangkaipui piahlam ah Faina beihpui thlakna thatak a ni a ti.

Lawngtlai a Swap & Save kalpui ah hian School Zirlaibu leh Uniform te, thawhnaw leh thil dang tha tak tak thehkhawm niin, hengte hi a mamawh apiang ten a thlawnin an la a, naktuk ah chhunzawm leh tur a ruahman a ni.