KUT AH ZU.

Pi leh Pute nundan chawinun nan leh hnam ziarang vawnhim nan Kut hman a ni thin a, hetianga hnam rilrupu chunga Kut thin hi a hlu a, a hlutzia leh chhunzawmzel tlak a nih zia chu Kut Pa leh Kut a mipawimawh ten uar takin an sawi thin a, sawinawn kher tullovah dah ila.

Hnam ziarang Culture leh Tradition vawnhim  chu a tum laimu a nih rualin, hetiang lam hawi chauha hun hman a rem lova, mipui huikhawm nan thil hrang hrang zehtel ani thin hi a hlu takzet. Engatinge Zufang hi, leklam ber ah a tel emaw tihtur a nih thin tih hi zawhna liantak a ni awm e.

Zu hrim hrim hi chenpui thiam ila chuan a hnawksak hauh lova, Zufang chu sawiloh, Zu tha tak tak te hi Kut ah hian inhung ferfur sela, hlimtakin Zu nen hun hman nise a hnawksakna a awm lo. Mahse a kentel thil duhawmlo a hringchhuak thin hian Zufang tellova Kut huaihawt ngam nghahhlelhna hi a lian chho tual tual in a rinawm.

Hlim hi thiam a ngai a, kan hlimdan chu midang tan hnawksak a nih chuan hlimna awmzeneilo ah a chang zui mai thin a, Ruilo hai lova tih duhloh tha tha, lu a hai hnu chuan kan tichiam thinte hian Kristian ram ah Zufang tellova Kut ngam a tulzia a tilang a, Pi leh Pute huna an chindan chhawmnun a tha a, kan tunlai hun mila zehtel leh chhawmtel kher tullemlo erawh hnawl ngam a tul a, kan ngam siloh chuan kan Kutpui nuam tak hi a huhova ruih na tur emaw ti tlat kan pung zel lovang tih a sawitheih loh.