Vawiin khan Lawngtlai Bawrhsap Pu Donny Lalruatsanga'n, 3rd IR Battalion hmunpui, Thingkah a mi tlawhin an dinhmun tlangpui a en.
Bawrhsap hi Pu Lalchhuanthanga Commandant in lo dawngsawngin, Commandant hian an Battalion dinhmun tlangpui Bawrhsap hi hrilh a, tun dinhmuna an Ballion in mamawh zualpui an neihte pawh Bawrhsap hnen ah hian a thlen bawk.
Pu Donny Lalruatsanga chuan 3rd IR Battalion chu Lawngtlai District tan an tangkaiin, Khawpui daifem maia awm an nih vangin a thlamua thlak hle a ti a, khawtual mite nen thawhhona thatak an nei chu lawmawm a tih thu sawiin, chhawmnung zel turin a chah.
Bawrhsap hnen a Commandant in an mamawh zualpui, hmasawnna atana tangkai tak tak tur a thlen zingah, Bawrhsap chuan 3rd IR hmunpuia School din a nih theih nan LADC thuneitute a lo titipui tur thu a sawi a, Battalion hmunpui panna kawng bakah Tui hnianghnar zawk an neih theih nan a theih anga hma lolak a tum thu a sawi bakah, mamawh dang an sawite pawh theih ang anga lo bawhzui a tum thu a sawi.
Pu Lalchhuanthanga, Commandant chuan Bawrhsap in an hmunpui a tlawh chu lawmawm a tih thu sawiin, an Battalion hmasawnna atan hmalakpui a inhuamna ah Bawrhsap chu lawmthu a hrilh.