Nimin tlai khan Home Minister Pu K. Sapdanga chuan Mizoram State Sport Council hnuai ami, Residential School, Lawngtlai, Sadbhav Mandal Chawnhu, Girls' Hostel, Lawngtlai leh Chawngte te chu a rualin Residential School,College Veng, Lawngtlaiah a hawng a. Dr. Lorrain Lalpekliana Chinzah Adviser to Chief Minister leh Pu C. Ngunlianchunga, Lawngtlai West bialtu MLA te chuan khualzahawm an ni.
Lawngtlai Bawrhsap Pu Donny Lalruatsanga kaihhruai ah, Pu K. Sapdanga chuan hmasawnna ruhrel tha tak tak hawnte tangkai tak hmang turin Lawngtlai District mipuite a çhah a. Mizoram Sawrkarin LADC kutah phal taka a pek thu sawiin, a enkawl kawngah thahnem ngai taka thawk turin a chah . Residential School chuan infiammite tan chona thar a pek ngei a beisei tih sawiin, eizawnna tlaka hman a nih a beisei thu a sawi.
Home Minister chuan thalaiten tih takzet leh rualelna nei chunga ke an pen a hun tawh a ti a. Mizoram tihmingthatu ni turin thalaite an pawimawh hle a, eng hna pawh thawk ila, rinawmna leh taihmakna nen hmachhawn a tul a, Chhim lam chu Mizoram kawtchhuah a ni tan mek tih tarlangin, hemi kawngah pawh lo inbuatsaih that a tul hle a, a bik takin Lawngtlai mipuiten tih tur an ngai hle a, theihtawp chhuah turin a fuih a ni. Ram leh hnamah chian a pawimawh hle a ti a, LADC- ah sawrkar ngelnghet tak a awm a pawimawh hle a, chu chu mipuite duhdan pawh a ni tiin, chak taka LADC kal zel a beisei thu a sawi a, Mizoram sawrkar nen chak zawka thawk tlang zel turin duhsakna a hlan
Khualzahawm Dr. Lorrain Lalpekliana Chinzah, Adviser to Chief Minister chuan Lawngtlai District - mipuite tana hmasawnna ruhrel lian tak peihfel a ni chu lawmawm a tih thu a sawi a. A hman tangkai leh enkawl kawngah LADC hotute mawhphurhna pawh a sang dawn hle tih a sawi.
Khualzahawm Pu C. Ngunlianchunga, Lawngtlai West bialtu MLA chuan a bial chhunga hmasawnna ruhrel tha tak a awm chu lawmawm a tih thu a sawi a. LADC ngeiin enkawl chhunzawm tir chu ropui a tih thu sawiin,mipuite chu neitu diktak an nihna hriaa duat taka enkawl turin a sawm a ni.
Pu C. Lalsawmzuala, CEM, LADC, chuan Residential School, Lawngtlai, LADC kutah hlan a ni chu ropui a tih thu sawiin, Mizoram Sawrkar leh Mizoram State Sports Council chungah lawmthu a sawi a. Laifate tan ni chhinchhiah tlak tak a ni, a ti a. a enkawl kawngah LADC chuan theihtawp a chhuah tur thu a sawi
Residential School, Lawngtlai hi Ministry of Minority Affairs hnuaia PMJVK Scheme 2019- 2020 atanga cheng nuai 3461.70 hmuh niin ni 8, September 2025 khan zawhfel a ni.
Home Minister chuan thalaiten tih takzet leh rualelna nei chunga ke an pen a hun tawh a ti a. Mizoram tihmingthatu ni turin thalaite an pawimawh hle a, eng hna pawh thawk ila, rinawmna leh taihmakna nen hmachhawn a tul a, Chhim lam chu Mizoram kawtchhuah a ni tan mek tih tarlangin, hemi kawngah pawh lo inbuatsaih that a tul hle a, a bik takin Lawngtlai mipuiten tih tur an ngai hle a, theihtawp chhuah turin a fuih a ni. Ram leh hnamah chian a pawimawh hle a ti a, LADC- ah sawrkar ngelnghet tak a awm a pawimawh hle a, chu chu mipuite duhdan pawh a ni tiin, chak taka LADC kal zel a beisei thu a sawi a, Mizoram sawrkar nen chak zawka thawk tlang zel turin duhsakna a hlan
Khualzahawm Dr. Lorrain Lalpekliana Chinzah, Adviser to Chief Minister chuan Lawngtlai District - mipuite tana hmasawnna ruhrel lian tak peihfel a ni chu lawmawm a tih thu a sawi a. A hman tangkai leh enkawl kawngah LADC hotute mawhphurhna pawh a sang dawn hle tih a sawi.
Khualzahawm Pu C. Ngunlianchunga, Lawngtlai West bialtu MLA chuan a bial chhunga hmasawnna ruhrel tha tak a awm chu lawmawm a tih thu a sawi a. LADC ngeiin enkawl chhunzawm tir chu ropui a tih thu sawiin,mipuite chu neitu diktak an nihna hriaa duat taka enkawl turin a sawm a ni.
Pu C. Lalsawmzuala, CEM, LADC, chuan Residential School, Lawngtlai, LADC kutah hlan a ni chu ropui a tih thu sawiin, Mizoram Sawrkar leh Mizoram State Sports Council chungah lawmthu a sawi a. Laifate tan ni chhinchhiah tlak tak a ni, a ti a. a enkawl kawngah LADC chuan theihtawp a chhuah tur thu a sawi
Residential School, Lawngtlai hi Ministry of Minority Affairs hnuaia PMJVK Scheme 2019- 2020 atanga cheng nuai 3461.70 hmuh niin ni 8, September 2025 khan zawhfel a ni.
Sadbhav Mandap, Lawngtlai sak nan hian Ministry of Minority Affairs hnuaia PMJVK Scheme 2018- 2019 atangin cheng nuai 236 hmuh niin ni 15, February, 2024 khan zawhfel a ni.
Girl's Hostel Lawngtlai, sak nan hian Ministry of Minority Affairs hnuaia PMJVK Scheme 2019- 2020 atanga cheng nuai 3461.70 hmuh niin Ni 30,November 2025 khan zawhfel a ni.
Girl's Hostel, Chawngte work amount Rs. 257.32 lakhs niin, Ni 21, July 2022 khan hna tan niin, ni 30, January 2026 khan zawk fel a ni.
Heng hmasawnna ruhrel lian tak takte hi HOme Minister hian a hawn rualin, Lai Autotonomous District Council kut ah a hlan nghal.
Tags
News