World Consumer Rights Day chu vawiin khan DC Conference Hall, Lawngtlai ah Bawrhsap Pu Donny Lalruatsanga hovin hman a ni.
Pu Donny Lalruatsanga chuan mi zawng zawng Consumer kan ni vek a, Consumer te chu Dan hnuaiah an Dikna chanvo thatakin humhalh an ni a, mamawhtu kan nihna ah, kan mamawh kan lakna ten min palzut a rem lova, Consumer ten kan dikna chanvo kan hriatchiana, kan ngaihven peih a tul a ni a ti.
Khuallian chuan Lawngtlai District ah District Consumer Protection Association thatak a awm chu lawmawm a tih thu sawiin, Consumer ten Association hmang tangkai thiam se a duh thu a sawi bawk.
He hun kaihruaitu Pi Vanlalhlupuii Fanai, President, District Consumer Protection Association chuan Consumer te chu lal an ni a, mamawh kan leiin, a hralhtuten an mahni dawr tute lungawina an ngaihpawimawh a tul hle a ni a ti.
World.Consumer Rights Day ah hian Day thupui Safe Products, Confident Consumer tih chu Pu C.Lalrinfela, Advocate, District Court chuan sawiin, Consumer te dikna chanvo leh tihtur leh tihloh tur fiah leh kim takin a sawi.
World Consumer Rights Day hman hi DCSO, Pu Lianchhuma Chinzah chuan lawmthu sawiin a khar.