Lawngtlai District Police te chuan an thu dawn bawhzuiin Dt.26.02.2026 khan Opium Poppy chinna hmun hmuchhuakin an tichhia a, a chingtute an man nghal.
Police thuchhuaha tarlan a nihdan chuan Dt.23.02.2026 khan Tuiphal lui kiangah Opium Poppy ching an awm tih hriat a ni a, he thil enfiah tur hian sorkar mipawimawh dangte nen Dt.26.02.2026 khan drone hmangin Lawngtlai Police te hian uluk takin an zawng chhunzawm nghal a, tichuan, Opium Poppy chinna hmun chu Tuiphal lui kiangah an an hmuchhuak ta a ni.
He Opium Poppy chingtute ni ngeia hriat mi pahnih Lalzoa (48) s/o Basei of Saizawh E leh Aungling (51) s/o Basei of Saizawh E te chu man nghal niin NDPS Act leh Foreigners Act thubuai siamsak nghal an ni.
Tags
News