CEM in hnam rohlu leh zia vawnghim chunga hmasawnna hnathawh chu Sorkarin a tumber a ni a ti.

Laifate Kut ngaihhlut ber, Hlukhla Kut, Ni hnih awh tur chu vawiin atang khan Central YLA Playground Lawngtlai ah tan a ni.

Kut Ni khatna ah hian  LADC a Chief Executive Member Pu C.Lalsawmzuala chu Kut Pa niin, Ram mipuite Kut chibai bukin duhsakna a hlan a, Pu C,Lalsawmzuala chuan Pi leh Pu, kum lama upa zawkte chu hnam rihlu leh ziarang an vawnhimna rahchhuah lanna chu Hlukhla Kut a ni tih sawiin, Hnam ziarang Tawng leh lam leh tihdanphungte vawnhim chu thangtharte mawhphurhna a ni a ti a,  thalaite chu ram leh hnam tan thiamna leh finna pawchhuak tura theihtawp chhuah tur a fuihin, hmasawnna thlentu nih tum tura chahin, an nihna etrawh theihnghilh lose a duh thu a sawi.

Kut Pa chuan LADC Sorkar chuan hnamro leh ziarang tihmelhemlo zawng, a vawnghima tihmasawn zawngin hmasawnna hrang hrang thawh chu a ngaipawimawh hle tih a sawi bawk.

Hlukhla Kut ah hian Hnam ziarang pholang thei Zai leh Lam te entir niin, tualchhung zaithiam leh Zoram huapa zaithiam langsar te an zai bak ah, Lai paih intihsiakna neih niin, Stall hrang hrang hawn a ni a, Sipai tangduh tan hriatduh neite puiturin Assam Rifle lam an awm bawk.

Hlukhla Kut hi naktuk ah Kut Pa, LADC a Chairman Pu C.Lalmuanthanga hovin hman chhunzawm a ni ang.