Young Lai Association Day, hlawk leh hlim takin lawm ani.

Vawiin hi Lawngtlai District a Tlawmngai pawl lianber Young Lai Association  Day vawi 51na a ni a, hlawk leh tangkai takin YLA Day hi hman a ni.

Central YLA President Pu F.Lalrothanga chuan hmun hrang hranga YLA Member te chibai bukin duhsakna a hlan a, YLA chu mangang leh chhumchhia, rethei leh chanhai ten an belhtlak pawl leh an belh ngam a ni tih sawiin, ram leh hnam that nan theihtawp a chhuah reng a ni a ti a, ruihhlo do kawngah pawh tha tlah lovin, YLA Kumpuan, Ruihhlo Do tih chu chaktakin bawhzui a ni a ti.

YLA Day  hi Branch hrang hrangte chuan tha an tih angin an hmanga, vantlang tana thiltha tih nan te hmangin, an huamchhunga   thenfai ngailai  tifaiin an thawk chhuak a, Infiamna leh infuihthar nan te, intihhlim nan ten an hmang.

Nimin lam atanga YLA Day hmantan engemawzat an awm a, zanin lam thlenga hmantum pawh an awm nual a, Central YLA hruaitute chuan a remchan dan angin YLA Day hmangtute hi an tlawh a, LADC a Executive Member thenkhat ten Khuallian ni a YLA Day hmanpui an awm nual bawk.

Lawngtlai DC, Pu Donny Lalruatsanga leh LADC a Chief Executive Member Pu N.Zangura te pawn thuchhuah siamin, YLA Day ah YLA Member te chibai bukin duhsakna an hlan.

Tun dinhmun ah YLA Sub-Hqrs 10. Branch 121 awmin Member sing 3 vel an awm mek.