 |
| The Lawngtlai Post |
Tunlaia Lawngtlai District chhung, Darnamtlanga Kawthalo hrileng mek chu Tuihri anih mithiam ten an ringlo.
Vawiin chawhnu khan Lawngtlai Bawrhsap Pu Donny Lalruatsanga hovin, Health Department hotute leh MJA Lawngtlai District hruaituten hrileng chungchanghi an thlir hova, Dr.Lalmuanawma Jongte CMO, Lawngtlai chuan damlo te natdan atangin hrileng chu Tuihri a nih a rinawmloh tih sawiin, sample lain enfiahturin hmalakna erawh kalpui tho a ni a ti a, hrileng a awm tih hriat a nih hnuah Medical Team tirin nguntakin Darnamtlang hi vilin, an mamawhtur damdawi te pawh thawnluh a ni a ti a, tun dinhmun ah Darnamtlang khawchhungah Damlo pali awmin an dinhmun a ngaihtuahawmloh va, Bungtlang South PHC ah OPD ah mipahnih inentirte pawh Admit ngai an nilova, he natna vang hian Bungtlang South PHC ah mipakhat enkawlmek niin a dinhmun a tha tih CMO chuan sawiin, tihian hriattheih chinah Kawthalo vei mi pasarih an awm a ti a, hrileng anga ngaihtheih a ni rihloh thu leh damlote pawh enkawlna thatak nen ngaihtuahawm an awmlo a ti.
Lawngtlai Bawrhsap Pu Donny Lalruatsanga chuan Darnamtlang a hrileng ni a sawi chu Sorkarin a vilreng thu leh mipui tan chiaina tur a awmlo a ti a, an mahni viltu Medical Team te thurawn ngaipawimawhin, he natna vei leh inringhlelte chuan Sub Centre leh PHC pan zung zung turin a chah.
Kawthalo leh luak vangin June 2, 2026 khan kum 53 mi Pu Zeria chu a thi a, heimi hnu hian mipui an mangan zual deuh niin a hriat a, Darnamtlang hi In 115, mihring 540 vel chenna niin, Bungtlang South PHC hnuaia awm niin, Medical Officer kaihhruaina hnuaiah Medical Team ten nguntakin an vil mek.