Lawngtlai to Zero Point inkar kawng 6% vel thawhzawh a ni tawh

     National Highway 54, Lawngtlai atanga Siaha District Zero Point inkar ah hnathawhtur a ruahman atangin 6% vel thawhzawh a ni tawh.

        Helai kawng laihzauhhna thawh mek hi vawiin khan Lawngtlai District MJA te chuan a hmun ah an en a, hnathawktu  Power Mech Projects Limited  hotutten an sawidanin, helai kawng ah hian kum kalta 2020 October thla ah hna thawhtan a ni a, Kilometres 39 a thui ah hian hnathawhna tur a pawisa ruahman chu cheng Vaibelchhia 446 a ni.

       Chanchinbumite zawhna chhangin, Project Manager,  VVS Rayudu chuan Kilometres 39 ah, Compansation vanga hna thawh tan theihlohna Kilometres 6 chuang an neih thu a sawi a, Compansation vanga harsatna an tawk tihloh chu, an hnathawhna ah mipui atangin harsatna an neihloh thu leh an tawiawmna an dawn that thu a sawi.

      Lawngtlai District MJA te chuan kawng laih hna thawktute chu, theihtawp chhuah a a tha thei angbera hna thawktur a chahin, Mizoram chhimlam chu kawng chhia vanga harsatna tuar nasa an nih thu leh, an hnathawh chu an vilpui reng tur thu an hrilh.