.jpg) |
| The Lawngtlai Post |
The Chawngte Times Editor hnen atanga The Lawngtlai Post in thu a dawn danin, Zirlai hmeichhia te be nawmnah a puh, Govt. Kamalanagar College a Associate Professor, Pankaj Roy lakah lungawiloin Mizoram Chakma Student Union leh Central Chakma Mahila Samiti te chuan Govt. Kamalanagar College Principal hnenah an lungawiloh thu an theh lut.
Vawiin khan Mizoram Chakma Student Union leh Central Chakma Mahila Samiti te chuan Govt. Kamalanagar College, a Associate Professor Pankaj Roy chuan zirlai hmeichhia pali te mipat hmeichhiatna lam rawngkaia a be thin ni a puhin MCSO leh Central CMS te College kawtah an pungkhawm a, Govt. Kamalanagar College Principal chu a Office ah hmuin he thil hi an ngaizam mai mai dawn lova, chak taka chhui chiang a, a theih ang anga hmalain hremna pawh hmu ngei se an duh thu an sawi.
Mizoram Chakma Student Union leh Central Chakma Mahila Samiti te chuan, Dan ang takin Internal Complaints Committee (ICC) in chhui chiang se an duh a, a tuartu zirlai hmeichhe pali te hian an zirna kawngah harsatna engmah tawk zui lose an duh thu an thlen bawk.
Pawikhawihtu a puh Pankaj Roy hian thiam loh a chang anih chuan zirlai dangin hetiang harsatna an tawh zel lohna turin dan anga hrem ngei nise, chhui chian nih hma chuan, Associate Professor Pankaj Roy hian College ah kal chhunzawm rih lo turin an duh thu an sawi bawk.
Mizoram Chakma Student Union Presidient, Pu Parbesh Chakma chuan Zirlai harsatna tawk mek pali te bulah kan ding reng a, an dikna chanvo an hmuh theih nan theihtawp kan chhuah dawn a ni a ti. He thilthleng avang hian Zirlaite himna turin chak taka hmalak a tul tih a sawi a, investigation kal lai a nih avangin thuneitu ten thutlukna dik tak siama a mawhphurtu hian hremna hmu ngei se an duh thu an sawi.