Lai District Congress Committee chuan Sorkar laipui chu Zirna leh a kaihhnawihah a hlawhchham bakah, hnungtawlh zawngah kala puhin, Zirlai tamtak hmalam tithimtu ah an puh.
Lai District Congress Committee a Media Department Chairman Pu Laltlawmlova Chinzah Ex-MDC chuan vawiin khan Lawngtlai Press Club ah Thuthar lakhawmtute kawmin kumina NEET Exam zawhna putru ringawt pawn nasataka inbuatsaih Zirlai nuaitel a tibeidawng tih sawiin, National Democratic Alliance Sorkar hnuah rampum huap Exam hrang hrangah felhlel hriattur tamtak a awm ni a sawiin, hetiang thil a thlenfo vang hian Zirlai beidawng, mahni nunna la hialte pawh hriattur an awm thin chu vanduaithlak Lai District Congress Committee chuan a ti niin a sawi.
Lai District Congress Committee ten Chanchinbumite an kawmna ah hian BJP kaihhruai Sorkar chuan Zirna lam ah Budget 2.4% a dah laiin Congress hruai Sorkar chuan 4.7% a dah tih sawilan niin, NDA Sorkar hnuaiah Sorkar enkawl Zirna In thahnemtak khar niin, mimal enkawl Zirna tamtak din niin, heihian mirethei zawkte zirna ah harsatna a siam nasa tih sawilan a ni bawk.
Lai District Congress Committee, Media Department Chairman Pu Laltlawmlova Chinzah chuan, Zirna leh a kaihhnawihah NDA Sorkar chu a hlawhchham vangin mawhphurtu ber Union Education Minister chu bangtura an duh thu a sawilang bawk.