He thu hi Union Minister of Ports, Shipping and Waterways (MoPSW), Sarbananda Sonowal chuan sawiin Prime Minister hian Cruise lawng lian pahnih Brahmaputra lam kal tur cheng vaibelchhe 250 man hu kum 2027-a zawh tur bultanna a hawng dawn a ti a, India in tuipui zinkawnga hmasawnna lian tak tur ani tih sawiin khawvel mit hmuhah India chu dinhmun sangah a dah phah a ti a, Prime Minister in a hawnna hunah hian ram 100 chuang atangin mi pawimawh tak tak mi nuai 1 chuang an lokal dawn tih a sawi bawk.
Union Minister chuan kum 2047-ah India in ram hmasawn anih hunah lawnga bungraw phur hrang hrang chu tam zawk a phur thei tawh dawn a ti a, awlsam zawkin ramdang nen insumdawn tawnna tur ngaihtuah a ni dawn tih sawiin hmalam pan turin theihtawp chhuah ani a ti bawk.
Union Minister chuan heng lawng lama hmasawnna hrang hrangah hian ramdang nena insumdawn tawnna bakah ramchhunga lawnga inkalpawh tawnna tih hmasawn kawngah hmalakna thar neih zel a ni ati a, Cruise Bharat Mission kaltlangin ramchhungah hmasawnna tam tak thlen tir ani a ti bawk.
Sarbananda Sonowal chuan ramchhungah lawng chawlhna tam zawk siam tum ani a ti a, tuipui kawngpui pawh tam tak an neih belh tawh tih sawiin bungrua kalchhuahna leh lakluhna kawng awlsam zawk a awm theih nan theihtawp an chhuah thu a sawi bawk.
Minister chuan cheng vaibelchhe ₹1,000 chuang chu ramchhunga inkalpawhna siam nana hman ani dawn ati a, heng project hrang hrang hi zawh tep tawh ani tih sawiin hmarchhak bial hmasawnna tur tam tak a thleng dawn tih a sawi bawk.