Lai Autonomous District Council, Emergency Budget Session, August 29, 2025 atanga tan chu vawiin khan zawhfel a ni.
Session tawpni vawiin chawhma lam khan Deputy Chairman thlan niin, Sangau South bialtu MDC, Pu JB.Vanhoy chu chuhtu awmlovin Deputy Chairman atan thlantlin a ni tih, Session kaihruaitu Pu VL Hmuaka Chairman, LADC chuan a puang.
Vawiin chawhnu lam khan Session tanni a Chief Executive Member Pu N.Zangura'n House a a pharh tawh LADC Budget 2025-2026 leh Demand for grant 2024-2025 leh Chhiah tling khawm atanga hmuh beisei, avaiin cheng Nuai sing 2, sang 6, za 3, sawm 5, panga POINT bial pasarih chu CEM in pass puitura Member te a sawm hnu ah Eptu Member te tellovin passed a ni.
Session tanni August 29 khan Eptu lam ten Session chu dan kalha koh ni a sawiin, inhnial buaina karah Chairman chuan Session a titawp a, nimin Thawhtanni chawhma lam ah Eptu Member ten Session Kohdan a diklo tiin an sawi chhunzawm kar ah, inhnialna kar ah Chairman chuan Session a titawp lailawk leh a, nimin chawhnu lam ah Eptu Member ten House an chhuahsan a, vawiin Session, chawhma leh chawhnu lam ah Eptu Member ZPM Legislature Party te Session ah hian an tello.
Chief Executive Member Pu N.Zangura chuan hun reitak LADC Sorkar buai vanga mipui leh hnathawktuten an an tawrh hnu ah Budget passed a ni ta chu lawmawm a tih thu a sawi.
Tags
News