Lawngtlai DC, Pu Donny Lalruatsanga'n Lawngtlai District MJA te Thingpui a inpui.

Lawngtlai DC thar Pu Donny Lalruatsanga chuan vawiin khan Lawngtlai District MJA te Thingpui inpuiin, inhmelhriatna a neihpui.

Pu Donny Lalruatsanga chuan Lawngtlai District mipuite chibai bukin, Chanchinbumite chu an tellovin Sorkar kutke a kim theilo a ti a, District hmasawnna atan theihtawp chhuahpui ah sawmin, finchhuah a ngaihna ah inthlahrunglo turin Lawngtlai District MJA te a ngen a, thuthar thehdarh kawngah thulaila, dik leh rintlak thehdarh kawngah tan la sauh sauh turin a fuih.

Lawngtlai District MJA te hi an President Pu Elvis Lalthangzuala'n hovin, thil pawimawh hrang hrang, Chanchinbumite ngaihsak leh ngaihhlut an hlawh zual theih nana hmalak ngai an tihte DC hi hrilhin.

Chanchinbumite chuan Lawngtlai khawpui chu ramdangmi nen inchiahpiah nasa a nihna chuan thil duhawmlo zawk a hrinchhuah an hlauhthawn thu leh Sorkar in khauhzawkin ramdangmi khuahkhirh se an duh an sawi a, Lawngtlai khawpui ah zan lamah Myanmar a luttur bungrua Motor a hlangkai leh hlangthla te vangin kawngpui a chepin, harsatna a thlengfo thin chu awmzenei zawka ruahmanna siam tha an tih thu an thlen bawk.

Pu Donny Lalruatsanga chuan MJA Lawngtlai District ten an ngaihpaiwmawh an thlente chu a theih ang ang lo bawhzui a tum thu a sawi.