Kumin May 30 zana Lawngtlai Bazar Veng leh Chandmary Veng inrinna a Leimin leh Inchim vanga hunreitak, DC Office leh District Hospital bakah Sorkar hmunpawimawh tamtak panna kawng ping chu Bazar Veng huamchhung ah Lawngtlai West MLA Pu C.Ngunlianchunga’n MLA Fund hmanga kawng a siamthat chu tukin khan Lawngtlai West MLA Pu C.Ngunlianchunga’n a hawng.Hawnna inkhawm tawi buatsaih, Bazar Veng VCP Pu Lalbiaktluanga kaihhruai ah, Pu C.Ngunlianchunga chuan, thiltha an tihna kawngah dodalna a tamin, MLA Local Area Development Fund chu bial pawn lamah hmantheihloh anga thuthang a tam tih sawiin, MLA Fund hmantheihna ah chhiatna a thlen chuan bial pawnah pawh hmantheih a ni a ti a, helai kawng hi a bial mipuiten tangkai taka an hman a nih piahlam ah Lawngtlai khawpuiin chhiatna a tawka, District mipui tan thil tangkai ni a a hriat vanga siamthat hna hi thawk a nih thu a sawi.
Pu C.Ngunlianchunga chuan Assembly Session ah Lawngtlai Leimin vanga hmalak dan tur zawhna a zawh, chhanna ah tun dinhmun ah ruahmanna siam a la nihloh thu in chhanna a dawng ni a sawiin, chhiatna kan tawh a State Sorkar chuan min ngaisaklo hle a ni a ti.
He kawng hi a dung Feet 125 a vang azau laiah feet 18, a zimlai ber ah Feet 12 niin, cheng Nuai 2 sing 2 senga siam niin, Light Motor Vehicle chin tlan theih turin ruahman a ni.
Kawng hawnna ah hian Lawngtlai West MLA hi Lai District Congress Committee hruaitute, LADC a PWD changtu Executive Member Pu C.Lalsawmzuala bakah Bazar Veng Village Council leh Young Lai Association hruaituten an tawiawm.
Tags
News