 |
| The Lawngtlai Post |
Central Young Lai Association hruaitute chuan kawng hrang hrangah Lawngtlai District in hmasawnna a neihtheih nan Sorkar thawhpui an inhuam reng thu an sawi.
Vawiin khan Lawngtlai Bawrhsap, Pu Donny Lalruatsanga chuan Central Young Lai Association hruaitute kawmin, Lawngtlai District a Tlawmngai pawl lianber Young Lai Association hmalakna te chhuanawm a tih thu Bawrhsap chuan sawiin, Zirna, Ruihhlo do, Hriselna, Khawpui nunphung, Faina leh Raltlan leh a kaihhnawih ah te Young Lai Association leh Sorkar in thawhhona thatak an neih chu chhawmnunzel a pawimawh thu sawiin, thawhpui leh finchhuah an ngaihna ah Central YLA hruaitute chu neitu chanchang tlat turin a ngen.
Central YLA hruaitute chuan kawng hrang hranga Lawngtlai District hmasawnna leh venhim kawnga hma an lak tawh dan leh an lakmek dan te Bawrhsap hi an hrilh a, Ruihhlo do bik ah YLA chuan Kumpuan atan Ruihhlo Do an kalpui mek thute, YLA hmalakna vangin pawikhawihna thlakhniam thute, a bikin Myanmar leh Bangladesh nen ramri thuitak intawm an nihna ah tha thlah lova nasa zawka hmalak tul an tih thu te, Zirna siamtha tura hma an lakdan te, District Hospital Lawngtlai leh District chhunga PHC ah Sub Centre ah te thawktu an indaihloh nasat ziate Bawrhsap hi an hrilh.
Lawngtlai khawpui ah Raltlan Camp 13 a awm thu leh Raltlan te chhawmdawl nan theihtawp an chhuah thin thu te an sawi bakah, Raltlan nilo, Ramdangmi rawnlutte mumal zawka chhinchhiah an nih theih nan Sorkarin Check Piont siamse an duh thu te an sawi lang bawk.
Central YLA te hi an President Pu F.Lalrothanga'n hovin, Lawngtlai Bawrhsap chuan hmalakna tur an sawihote chu District a bawhzui nghal theihte chu Central YLA nen inrawn tlanga bawhzui a duh thu te, Thuneitu dang leh Thuneitu sang zawka thlen ngaite pawh lo thlen a tum thu a sawi.
Tags
News