.jpg)
Khawpui dang nen Lawngtlai hian khaikhin a hlawh nasa a, a chhunga chengte phei chuan englaipawha an thiltawn leh Khawpui dang zia chu khaikhin berah an neilo theilo, heihi thil nihdan phung a ni.
Ran khuahkhirh, Traffic Flow, Hawihhawmna, Faina, kawng hrang hrangah Lawngtlai chu hniam bik riaua lanna lai a tam thin a, a chhunga chengte hlei hlei hian hmasawn an duha, hmasawn duh theuh awmkhawmna ah hmasawnna erawh hmuhtur a tam silo lai hi veitham a tling.
Nunhona ah khap leh tih leh tihloh tur Sorkar leh Pawl hrang hrang ten an duansa engemawzat a awm, heng hian zawm a hlawhlohfo chhan ni a lang chu, mahni chhia leh tha hriatna hmanga Ziakloh dan, midang nena nunhonaa tihtur leh tihloh tur ngaihpawimawh loh vang niber in a hriat.
Midang tan kal harsa leh kawngpui nek deuh rana Lirthei dah hi midang tana hnawksak nihna a ni tih hi a dahtuin a pawma, midang tana hnawksak nih a hreh chuan, a dah fo lovang.
Khawpui danga Tui burruak leh eitur funna ruak, kawngpuia paih duhlo khan, Car manto tak atangin Lawngtlai ah chuan kan paih hreh tlatlo.
Lawngtlai hi tunge hmangaih anga, tute vangin nge a mawiin a mawiloh ang, a chhunga chengte an ni.
Mihring nunah nunphung pangngai, Magistrate Order leh YLA Thuchhuah kher ngai lova zawmtur inzamsa, Ziakloh dan inzamsa hi ngaipawimawh ila, a bak chu tihtur a tlem ngawt ang.