 |
| The Lawngtlai Post |
Vawiin khan lawngtlai Bawrhsap, Pu Donny Lalruatsanga chuan Lawngtlai District chhung a kawngpui pawimawh hrang hrang siamtu NHIDCL hotute kawmin, an hmalakna dinhmun a sawipui.
NHIDCL hotute chuan Lawngtlai District chhungah Project pali an enkawl tih sawiin, National Highway 02 chu Lawngtlai leh Zero Point, Siaha District chu zawhfel a nih tawh thu Bawrhsap hi an hrilh a, Lawngtlai leh Lunglei inkar, Lawngtlai dai ah kawng laih zauh hna la thawhloh tlem la awm chu zangnadawmna buai a awm vang niin NHIDCL hotute chuan an sawi a, thuneitu sang zawk te hmalakna tello chuan kawnglaih hna hi thawh maitheih a nilo niin an sawi.
Kilometres 28 a thui Zorinpui leh Longmasu inkar ah hna thawh tan a nih thu leh zangnadawmna pawh pekfel a nih tawh thu NHIDCL hotute chuan an sawi.
Lawngtlai Bawrhsap Pu Donny Lalruatsanga chuan NHIDCL hotute chu Lawngtlai District chhunga an hnathawhte ram rotling tura theihtawp chhuaha thawktur a chahin, District mipuite nen thawhhona thatak nen hmasawnna hna thawh a paiwmawh thu a hrilh.
Bawrhsap in a kawm NHIDCL hotute hi Ziur Rahman Manager, NHIDCL leh PC Gujar, General Manager PMU, Lawngtlai niin, Lawngtlai a Thuthar thehdarhtu thenkhat ten an inkawmna hi an chhim.