Sorkar laipui hmalakna hnuai ah Lawngtlai District chhunga 10 Days Awareness Campaign under SANKALP Hub for Empowerment of Women kalpui mek ah, vawiin khan Central YLA Golden Jubilee Hall ah, Kumtling lova Nupui, Pasal neih chungchang zirho a ni.
He hun hi Pi F. Lalengvari, District Mission Co-ordinator District Hub for Empowerment of Women(WCD) Lawngtlai chuan kaihruaiin, Pu C.Lalremsanga, Judicial Magistrate First Class chuan, Kum tling lova nupui, pasal neih chu dan bawhchhiatna a nih thu leh dan hnuaiah hremna awmte kimchang takin a sawi a, Child Marriage, kum tlinglova Nupui, Pasal neih tih chuan Hmeichhia kum 18 an tlin hma leh Mipa kum 21 an tlin hma a huam tih Pu C.Lalremsanga chuan sawiin, a inneite chauh nilovin, inneihna buatsaihtu leh inneihna remtitute leh inneihna hriatpuitute thleng pawn an chungah hremna lektheih a ni a ti.
Mizoram a District ah Lawngtlai District chu Kum tling lova innei tamberna niin, Kum 2023 atanga 2025 chhungin Mizoram ah Kum tling lova innei 272 awm anga chhinchhiahah, heng zinga 67 chu Lawngtlai District chhung ami an ni tih sawilan a ni a, Lawngtlai District ah nasa zawka tanlak a ngaithu sawilan a ni bawk.
Vawiin a Kum tling lova inneih chungchang zirhona ah hian Sorkar in Child Marrige Officer atan a ruat Village Council Secretary te leh MJA, Lawngtlai District Member te bak ah Department a thawkte an tel.