Vawiin khan Lawngtlai DC, Pu Donny Lalruatsanga hovin, Lawngtlai in Mizorama Football a inelna sangber, Mizoram Premier League, Round 10 na a thlentur chung ngaihtuah a ni.
Kumin October 2 leh 3 a Lawngtlai in MPL a thlentur a thil pawimawh ngaihtuahtura din MPL Organising Committee, Chairman, DC, Pu Donny Lalruatsanga chuan MPL Round 10na Lawngtlai in a thleng tur chu District mipui pawh an phurin an nghakhlel hle tih sawiin, inbuatsaihna pawh a theihchinah a ṭhaber zel a kalpui ṭul a tih thu a sawi a, Lawngtlai a MPL.Round 10 na khelh remtihsaktu MPL thuneitute chungah Pu Donny Lalruatsanga chuan lawmthu a sawi bawk.
Vawiin Meeting ah hian hmalakna kalmek sawilan niin, MPL Club pariat te thlenna tur pawh ngaihtuahfel thawkhat nitawhin, thualnawn ngai tlem a la awm a, MPL Round 10na hi Central YLA Playground ah khelh nise an ti a, inkhelh na hmun a Damdawilam thiamte, Venhimna lam thawktur, Tui leh eng lam leh football in a kentel hrang hrang a mawhphurturte pawh ruat an ni a, Sorkar Department lam pawh helam kaihhnawiha ṭangkaina neite pawh an mahni hmasawnah an tihturte lo bawhzui tura beisei an ni.
MPL Round 10na thlenna atana senso ngaitur a ruahman pawh tun dinhmunah la tlin chiahlo deuh mahse, harsa lem lovin mamawhtur ang hmuh theih Committee chuan a beisei.
Mizoram Premier League khelh tawh ah, kumin hi Lawngtlai in MPL Club a neih vawikhatna niin, MLS Football Club, Lawngtlai chuan MPL Season 12 na hi an khel mek.
Lawngtlai in MPL a thlentur atan inbuatsaihna sawihona ah hian Lawngtlai SP, Pu PC.Lalchunglura, Lawngtlai District Football Association President Pu C.Hrangthianga leh Committee Member te telin, ruahmanna awmsa thualnawn ngai leh hmachhawp awmte pawh chaktaka bawhzui nise an ti.
Tags
News