 |
| The Lawngtlai Post |
Food Civil Supplies & Consumer Affairs Director Pi Saizikpuii chuan, Ration Card a hming chuangte, e-KYC la tifelloten harsatna an tawh sukiang turin Sorkar chuan theihtawp a chhuah a ti.
Vawiin a DC Conference Hall, Lawngtlai a Mit naute enna (Iris Scanner), Food Civil Supplies & Consumer Affairs Department hnuaia Retailer te hnen a semchhuahna neih ah Director chuan e-KYC titurin Kutzungpui thla (Finger Print) E-POS Machine in a hmuhtheihloh Lawngtlai District ah pawh engemawzat an awm tih an hriatthu sawiin, Mizoram hmundang ah pawh engemawzat an awm tih a sawi a, Mizoram pumah tun dinhmun ah e-KYC la tifello mi sing hnih chuang an la awm tih Director chuan sawiin, EPOS Machine atanga Kut zungpui thla hmuhtheihloh chu Mit Naute atanga hmuhtheih a nih vangin Sorkar chuan Retailer ten an hman tangkai turin Iris Scanner chu a semchhuak tan a ni a ti. Director chuan tuna EPOS Machine leh Bukna an hmanlai chu a thar a thlak a ngaih tawh vangin Sorkar chuan reilote ah a tharin a thlaksak dawn niin a sawi bawk.
FCS&CA Director Pi Saizikpuii chuan Rampawn a awm tihloh, India ramchhunga awmte tan khawi hmuna awm pawh nise, an hnaihber Retailer atangin e-KYC hi tihfel theih a nih thu sawiin, e-KYC hi ngaihthah a nih chuan mihring awmreng si, an Buhfai dawntur Central atangin hmuh theih a nihloh vangin harsatna a thlen thei a, Retailer te chu an huamchhung theuhvah e-KYC ngaipawimawh turin a chah.
Iris Scanner semchhuahna hi Pu Lianchhuma Chinzah, DCSO, Lawngtlai chuan kaihruaiin, Lawngtlai Centre a Retailer te chu Iris Scanner hmandan zirtir an ni a, Lawngtlai DCSO huamchhungah Retailer 139 awmin, vawiin khan Iris Scanner hi Lawngtlai Centre a Retailer 35 hnen ah semchhuah niin, Retailer dangte chuan DCSO Office atangin Iris Scanner an kawltur an lam ang.
Tags
News