 |
| The Lawngtlai Post |
Central Young Lai Association chuan Mizorama Autonomous District Council te teite zawnga hmalak tumna awm an duhloh thu leh The Forest (Conservation) Amendment Act, 2023 chu Autonomous District Council te chu a tuar nasaber tur an ni dawn tih an sawi
Vawiin khan Central Young Lai Association chuan YLA Golden Jubilee Hall, Lawngtlai ah Thuthar thehdarhtute kawmin, Mizorama Autonomous District Council te chuan ngaimawh a lo hlawhfo tih an sawia, tunah pawh Autonomous District Council te thuneihna laksaka, teitet tumna a awmmek tih sawiin, heihi tha an tihloh thu leh, a tawp thlenga do an tum thu an sawi.
Central YLA President Pu F.Lalrothanga chuan Autonomous District Council te chu India danpui hnuai ah Sixth Schedule hnuaiah, a hran a enkawlna pek, Executive, Legislative leh Judiciary pawh a hranga nei a ni tih sawiin, mahni a ro inrela, thuneihna hran nei a nih laia, a nihna anga enliam mai lova, mutmawh hnarmawha neitu an awm thin leh, Autonomous District Council dinhmun teitet tuma hmalakna Mizoram Sorkar atanga a awm thin chu pawi an tih thu a sawi.
Central YLA hruaitute chuan The Forest (Conservation) Amendment Act 2023, Mizorama hmantheih tura pawm a ni ta chu pawi an tih thu an sawia, Mizorama Autonomous District Council te chu ramri hrula awm, hnam hnuaihnung zawk leh dawmkan ngai chentamna an nih mek laiin, The Forest (Conservation) Amendment Act 2023 chu a tuar nasaber tur an nih dawn vangin, he dan dodaltute an thlawp tlat thu an sawi bawk.
 |
| The Lawngtlai Post |
Tags
News