Dated Lawngtlai the 16th October, 2025
MIPUI HRIATTIRNA
Lai Autonomous District Council (Public Health and Sanitation) Rules, 2014, Rule-9 & 37(4) in thuneihna min pek angin, kei, a hnuaia hming sign-tu hian Lawngtlai Town lch LADC huamchhunga kawngkama chawhmeh zuarte, eiphung zuarte, Sa lam chi zuartute leh dawr luah zawng zawngte chu mipui himna tur leh khawpui vawnfaina kawngah a taka kalpui a nih theih nan a hnuaia khapna leh hriattirna hi a tichhuak a ni.
A. Motor kawngpui kam leh mihring kalna dala thil zuartute:
Motor Kawngpui leh Mihring kalna (foothpath) a thil zuar engpawh huamin leh, Bazar hunlaia mipui chetvelna dal zawnga Motor dahte chu Lai Autonomous District Council (Public Health and Sanitation) Rules, 2014-a Rule 37(2) bawhchhiatna a ni a Chuvangin-
1. Pathianni ațanga Zirtawpni thlengin tuman Kawngpui leh Foothpath dalin thil an dah/zuar tur a ni lo. Hei hian Inrinni a huam lo ang
2. He thu chhuah ni atang a ni thum chhungin Bazar-na hmunah, mipui leh motor veivak tibuai thei tur thil zawng zawng, Kawngpui leh Foothpath a awm chu an seng hawiin, an thiarfihlim tur a ni
3. LADC Transport Department-in Parking Allotment a siam huam tel lovin, LADC Sanitation Point-ah Motor eng chi mah dah phal a ni lo. Tin, Inrinni (Saturday) bikah, LADC Transport Department-in Parking Allotment a siam huam telin, mipui Bazar velna hmunah motor dah phal a ni lo.
B. Sa Sahna thli paih dan (Rule-8):
1. Sasat leh zuara eizawng tu zawng zawngin an thli leh Sa silna te chu mumal taka a luan theih nan Rangva emaw, Sarang emaw phah chungah luan tirin, thil tuiril lam dahna bawm (bucket emaw) hmang in felfai taka dawhin emaw, dahkhawm tur a ni.
2. Chutiang thli zawng zawng chu Village Council-in emaw, Department in emaw, paihna hmun tur bik a ruatah chauh paih tur a ni Kawtthler emaw, kawmkar leh hmun dangah emaw paih hi dan bawhchhiatna a ni
C: Sa zawrh chungchang (Rule 36):
1. License nei lovin mi tumah ran talh leh zawrh phal a nilo.
2. Tin, License nei pawhin market area loah sumdawnna atan ran talh leh sa zawrh phal a ni lo bawk.
3. Tuna tang a thuleh awm hma chu Lawngtlai Town area-ah Sarep zawrh khap a ni.
Khawtlang mipuite, sumdawngte, leh mimal tinte chu Lawngtlai khawpui hriselna leh faina vawnghim turin heng dan te hi zawm vek tura phut an ni a, kan khawpui a thianghlim zel theih nan, mi tinin kan mawhphurhnaah i ngai theuh ang u.
Heng thupek zawmlote chu enzui a ni ang a, Lai Autonomous District Council (Public Health and Sanitation) Rules, 2014 (Rule-13 & 34) in a sawi angin action lak zui a ni ang.
Sd/-C. Lawmsangzuala
Sanitation & Waste Management Officer,
Lai Autonomous District Council, Lawngtlai.
I&PR (LADC) No.90