Vawiin khan Central YLA kaihhruaina hnuaiah Lawngtlai District a Tlawmngai pawl hrang hrang hruaitute inhmukhawm chuan NGO Co Ordination Committee an din.
YLA Golden Jubilee Hall, Lawngtlai a Tlawmngai Pawl hrang hrang hruaitu inhmuhkhawm hi Central YLA President Pu F.Lalrothanga'n kaihruaiin, Central YLA General Secretary Pu JH Lalrindika'n Lawngtlai District chu kawng hrang hrangah a hnufualin, Tlawmngai Pawl tan Sorkar tha tichaka, thawhpuia, District dinhmun dawmkang turin hmalakna tur tamtak a awm tih Central YLA Executive Committee ah sawilan a nih thute, District in mamawh a neih hrang hrangte bawhzui kawngah pawh hmalakna kalpui ngai a tam tih Central YLA in hriain, NGO intelkhawmna mumal neih tha a tih thu a sawi.
Vawiin a kalkhawm, Central YLA, Lai Women Association, Lai Students' Association, Lairam Upa Pawl leh Mizoram Upa Pawl hruaitute chuan NGO Co Ordination Committee din tha tiin, hruaitu tur pawh ruat fel nghal a ni.
Chairman : President, Central YLA
Vice Chairman : President, LUP Hqrs. Lawngtlai
President MUP District Hqrs. Lawngtlai
Secretary : General Secretary, Central YLA
Asst. Secretary : President, LSA Gen. Hqrs. Lawngtlai
Treasurer : President, LWA Gen Hqrs. Lawngtlai
Tags
News