Vawiin khan Lawngtlai Bawrhsap, Pu Donny Lalruatsanga chuan Lai Autonomous District Council a Chief Executive Member, Pu N.Zangura chu a Office Chamber ah tlawhin, inhmelhriat na Thingpui an indun.
Pu N.Zangura CEM chuan Lawngtlai Bawrhsap tharin District Council ngaipawimawha a tlawh chu lawmawm a tih thu sawiin, hnam hnufual leh khawsak harsa zawk tamna Lawngtlai District ah Mizo ngei Bawrhsap a awm chu mipui pawh an thla a muang hle a ni a ti.
Bawrhsap Pu Donny Lalruatsanga chuan State Sorkar leh District Council Sorkar chuan thawhdunna ṭha tak an neih a pawimawh hle tih sawiin, District mipui hmasawnna atan ruahmanna awmte inpawhtlang taka hmalak a nih chuan hmasawnna pawn awmzia a neih a beisei tih a sawi.
CEM hi LADC a Executive Member, Information leh Revenue changtu Pu Lalropuia Chinzah in tawiawmin, Bawrhsap hnenah hian Lawngtlai khawpui a ramdangmi zalen lutuk leh ramria insumdawn tawnna chu awmzenei.l zawka kalpui tul an tih thu an thlen a, Bawrhsap chuan a theih anga thuneitu sang zawk ah pawh lo thlen a tum thu a sawi.
Tags
News