.jpg)
Secretary to the Govt of Mizoram, DP&AR Chairman-na hnuaiah Study Group on Manpower Assessment for Autonomous District Councils chuan ADC pathum a Officers leh Staff-te dinhmun tihhniam a, Officer leh staff post tam tak paih tumin ruahmanna a siam niin a hriat a, tunhnai mai khan LADC a Executive Member pakhat chuan an Party mite intuaitharna ah a sawichhuak nghe nghe a, he thil hi enliam mai chi a ni awm love.
Tuna Mizoram a ADC te hian an mamawh aia tam thawktu a nei ni a hriatna a awm a, Department pawh tihpuna thuneihna sangzawk pek aiin, a awmsa chu a theih ang anga dahkhawm tumna a awm a, hnathawktute dinhmun pawh tihniam tum niin a hriat a, LADC bikah hian hnathawktu mi 1500 chuang chu mamawhna an awmlo dawn ni a sawite pawh a awm bawk.
A kimchangin sawisen a ni dawn lova, State Sorkar in ruahmanna a neih a nih vangin he thil hi uprei lovin, hmala theituten hma an lak nghal a tulin a hriat a, Autonomous District Council hian thuneihna, dan hnuaiah a nei a, State Sorkar hnuaia Department pakhat ang a nilo tih hre nawn ila, ADC te dinhmun thlirin, Budget pawh tamtham zawk siamsakin, hna an thawhtheih nan kawng kawhhmuha, hma lakpui mamawhna a len viau laia, a inteite zawnga ruahmanna kalpui tumna a awm chuan, a ngaihtuahtuten thiltha turah ngai mahse, Hnam anga thuneihna leh rorelna hran neite zahlohna a kawktheia a lanna hian dodalna pawh a tilian viauin a rinawm.
Mipuiin chiang zawka an hriat tul an tih chuan, tute emaw ber chuan an la puangzar thuai turah ngai ila, ADC te dinhmun tihlen aia tihtet tumna ni a lanna hian ADC mipuite thlawp erawh a hlawh har viauin a rinawm.
A landan chuan ADC Sorkar ah Executive Member hi panga bak mamawhna a awm in a hriatloh a, ruahmanna thar anghi kalpui a nih chuan, hei hian Anti Defection Law awm bawk silo, Politics boruak inlumlet pawh nasa zawkin a hringchhuak lovang tih sawilawk hartak a ni bawk awm e. Engtinnge nizel dawn le ?