Lairam Isua Krista Baptist Kohhran in a din, Lairam Christian Medical Centre dinchampha vawi 24 na pualin vawiin khan a thlawna in entirna hun, LCMC, Lawngtlai ah neih a ni.
Inentirna tan hmaa inkhawm tawi buatsaih, Rev C.Ngurengmawia, Chaplain kaihhruaiah, Rev. Dr.LH Lalpekhlua General Secretary, LIKBK Assembly leh Dr.B.Zonunsanga Medical Superintendent ten thu an sawia, Pathian hnenah lawmthu sawiin an tawngtai rual.
LCMC din champha puala a thlawna inentirna ah hian Doctor paruk rawntheihin an thu a, hriattheih chin ah inentir tura inziaklut mi 800 chuang an awm.
Vawiin a inentir te hi a thlawnin Damdawi an mamawh turte pek an ni a, Damdawi semtur a ruahman hi cheng Nuai 17 chuang man niin, vawiina inentir, khawl hmanga en ngaite chu a man pangngai atangin a zatve a tihhniam a ni bawk.
Dr. B.Zonunsanga chuan LCMC din champha puala mipui rawngbawl nan a thlawna in entirna an buatsaih chuan hlut a hlawh viaua an hriatthu leh an rawngbawlna hlutsaktute chungah lawmthu sawiin, Pathian tanpuinain damna thatak chang turin damlote duhsakna a hlan.
Lairam Christian Medical Centre hi September 19, 2001 khan khatihlaia Mizoram.Governor Pu A.R.Kohli-an a hawng a, kumtinin an dinchampha ah a thlawna inentirna hun hi buatsaih thin niin, nakum hi Silver Jubilee kum a nih dawn vangin, huamzau zawkin a thlawna mipui rawngbawlnan ruahmanna siam an tum.
Tags
News