Mahni hnaa rinawmlote chu hmantlak an nilo - Pu C.Ngunlianchunga, MLA

Lawngtlai West bialtu MLA Pu C.Ngunlianchunga chuan mahni hna a rinawm theilote chu engmah hmantlak an nilo a ti.

Vawiina Lawngtlai District Volleyball Association  Silver Jubilee lawmna LADC Hall, Lawngtlaia a hmanpuina ah Pu C.Ngunlianchunga chuan, Lawngtlai District Volleyball Association in kum 25 a tling chu a lawmpui thu sawiin, Infiammite chu theihtawp chhuaha, ram leh hnam tan meichher chhitu niturin a chah.

Pu C.Ngunlianchunga chuan  kan ramin a mamawh ber chu rinawm taka mahni hna thawk thin te an ni a ti a, mahni hna a rinawm theilote chu engahmah an hmantlaklohva, an dinhmun a san pouh leh ram tan pawi an khawih nasa thin  a ti a,  mitin hian kan hmazawnah ṭheuh hian rinawm takin kan hna   thawk ila, an ram hruaitute pawn rinawm takin ram an hruai a ngai a ti..

 Hmasawnna hrang hrang luanglut mek ah rinamwna tlachham fe fe hriattur, mipui chunglama ngaih zingah pawh an awm ni a lang te hi a vanduai thlak a, ngaihhlut zawng kan thlakloh chuan kan hmalam a englo viau a ni, Lawngtlai West MLA chuan a ti.

Lawngtlai  District Volleyball Association Silver Jubilee lawmna hi Pu PC Malsawmtluanga Vice President Lawngtlai District Volleyball Association chuan a kaihruai a, Mizoram Volleyball Association hruaituten an hmanpui bak ah, he pawl a hruaitu lo ni tawh te pawh telin, tlailam ah Jubilee lawmna ruai an kilho ang.