Vawiin khan SP Conference Hall, Lawngtlai ah Pu PC Lalchunglura SP Lawngtlai hovin, Crime Review Meeting leh infuhtharna hun hman a ni.
Lawngtlai SP Pu PC Lalchunglura chuan Lawngtlai District Police te chu theihtawp chhuah tura fuihin, thubuai chhui leh thilsual titu man leh midang tanpuina ah te Police chu mipuiin an thlamuanpuina chu chhawmnun zel a tul thu a sawi.
Kumin January atanga nimin thleng khan Lawngtlai Police ten thubuai 38 an ziaklut tawh a, heng zinga 9 chu inbumna lam hawi niin, Rukruk thubuai 8 a awm bawk. Nikum 2024 January atanga July thla chhung khan thubuai 44 ziahluh niin, kumina thubuai ziahluh hi nikum aiin 13.63% in a tlahniam.
Nikum 2024 January atanga December chhung khan thubuai 87 ziahluh niin, rukruk thubuai a tamber a, thubuai 87 ah hian 16 chu Court in a ngaihtuah lai a awm mek.
Vawiin a Crime Review Meeting leh infuih tharna ah hian SP, Additional SP, SDPO te, OCte leh Case Investigation Officer te an vaiin mi 22 an tel.
Tags
News