Lawngtlai SP, Pu PC Lalchunglura chuan dan leh thupek kenkawhna leh boruak nuam leh ralmuang a awmtheih nan Chanchinbumite thawhpui atan a sawm.
Lawngtlai SP hian vawiin khan Lawngtlai District MJA Member te zanriah kilpuiin, Lawngtlai District a Police hotute nen inhmeltawnna a neihpui a, Pu PC Lalchunglura chuan District ralmuang, dan leh thupek kenkawhna ah mipui tan thataka hna an thawhtheih nan Chanchinbumite thawhpui ah sawmin, Chanchinbumite chu kawng hrang hranga mipui sukthlek leh kaldan khalhngil na ah an tangkai hle tih sawiin, Chanchinbumite chu Police tello pawn an awmtheih laiin, Police te chu Chanchinbumite thahwpuina tello chuan an hnathawh a chak theilo a ti.
MJA Lawngtlai District hruaitute chuan Lawngtlai khawpui leh District inrelbawlna atana Police te thatichak turin thawktu tamzawk mamawhna a len thute an sawi a, Lawngtlai Traffic Police dinhmun chu ennawna, tihchak a thuamthat an ngaihna ah SP chu hmala turin an ngen.
Lawngtlai SP in Chanchinbumite zanriah a kilpuina ah hian SP hi Additional SP bakah District chhunga Police hotuten tawiawmin, 3rdIR Battalion Commandant Pu C.Vanlalvena pawn zanriah hi a kilpui.