.jpg)
Central YLA Term liamta ah khan Myanmar ramri hung Sorkar laipuiin a tumna kha Central YLA chuan a thlawp thu, thuneitu sang ah thlen a ni tawh a, kha thu kha sut a awm lova, Central YLA chu a dinna ngaiah a ding reng tih a chiang awm e.
Central YLA ngaihdan chuan ramri hung hi inthendarhna lam nilovin, ram pahniha Hnam khatte dan hnuaiah intlawhpawhna tha zawk a awm theih beisei vangte, tun dinhmun ah ramri chu duh dan dan a kan maitheih a ni chu a himtawk lova hriat vang a nih kha kan la hre theuh awm e. Central YLA ngaihdan hi ram mipuiin an thlawp viauin a hriat.
Thenawm ram, tlangmite chenna ah inhmuhthiamlohna a thleng fova, tunhnai leh tunlai chhovah pawh inkahna thleng hriattur a awm chho zeuh zeuhva, a vanduaithlaka, Mizoram atanga lo thlirdana, Hnamkhat chu inrem maise tih ngawt a nihlohzia a chiang, an mahni hlei hlei khian ralthuam leka innghirngho reng hi an duhthlanna ber a ni hauh lovang.
Hetianga boruak a awmchhomek lai hian a bikin LADC Area a chengte tan phei chuan an buaina ah khian ngaihdan lo sawi ve chiam emaw, inrawlh ve phet tum emaw a fuhberlo thei a, heihi insawithaihna nilovin, Unau nihna zawnah boruak thalo thlenbelh tirtu nih palh theih a nih vangin, Social Media lam ah pawh inrawlh chintawk thiam a thain a rinawm. Anni leh helai mite hi Hnam khat, Thisen a inzawm, thenhran theihloh, ramri in a thenhran si nihna hi hriatchian a tha a, inpumkhat duhna a len luatah, a khawi ve ve atang pawn fimkhur tawn a ngaiin a rinawm.