July 24, 2025 Ningani zana Lawngtlai Bazar Veng, Village Council leh Branch YLA hruaitute, an Vengin Power Supply an neihloh chungchangah Control room a an len vanga nimin Inrinni a Staff Welfare Committee, Lawngtlai Sub Division in Thuchhuah an siam chu thubelhchian dawllo, an mahnin dawt hmanga thiamchan an tumna lam hawi a nih thu Bazar Veng VC leh Branch YLA hruaituten an sawi.
Vawiin chawhnu khan Bazar Veng Village Council leh Branch YLA hruaitute chuan Lawngtlai Press Club ah Thuthar thehdarhtute kawmin, av Veng chhunga Power Supply an neihloh vangin Telephone hmangin thawktute an hriattir hnuah an thu ngaihchan niin, engmah chhanna an hriatloh vangin zan dar 10:30 vel ah Control room ah an kal tih an sawi a, Power line chhia siamtummek anga an thuchhuah an sawi chu dawt a nih thu leh an lo mut tawh thu leh an kalhnu ah hmanrua tulturte an lakkhawm chawp thu an sawi.
Bazar Veng khawtlang hruaitute che vel Video a laa puh ni a Staff Welfare Committee lamin an sawi chu Bazar Veng khawtlang hruaitute chuan pawn atangin Video in an thla la ngei a ni tih sawiin, deleat tura an ngen hnu ah deleat a ni an ti.
Bazar Veng khawtlang hruaitute chuan Control Room a an kallai hian mipui ten an biakpawhna ber Telephone Landline chu dah busy a ni an ti bawk.
Power & Electricity Department leh Bazar Veng khawtlang indawrna kalmekah Executive Engineer in July 29, 2025 Thawhlehni ah dawhkan khat kila sawiho a rawtna an ngaihchan mek lai leh an harsatna te thuneitu sang zawkten hriaa, sawipui a tum chu an lawm viau laia, thubelhchian dawllo hmanga Staff Welfare, Lawngtlai Power Sub Divion hi thuchhuah an siam chu hriatthiam har an tih thu Bazar Veng khawtlang hruaitute chuan an sawi.
Tags
News