Editorial || YLA LEH RUIHHLO DO.

        YLA chuan Ruihhlo Do kum a puanga, Kumpuan Committee pawh Branch hrang hrangah din chhoh mek niin, hmalakna pawh hriattur a awm chho deuh reng tawh.

Ruihhlo do hi Spring nembeh ang deuh a nia, thlahdul ruala rawn pawng leh mai thin a nih vang hian, ruihhlo do na ah hian, teirei peih, beih hram hram, tih deuh tang tang ngai a ni tih hrefiahtu chu YLA te an ni, an do nasain hmalakna an kalpui nasa tawh a, helam kawngah chuan tawnhriat an ngah khawp ang.

Thenawm ram, Ruihhlo a zalen ruk riauna nen ramri thuitak intawm hian ngaih a titha thei lova, a hlawma manchhuah awm zeuh zeuh mahse, inkalpawh kawng a la mumalloh vang hian Ruihhlo lut hi a la tamlo deuh a nih a rinawm a, a pawilai leh hriatthiam har ta riau thin ni a lang chu, thenawm ram rau rauvah Rakhine State lam atangin Ruihhlo rawnlut hi hriattur mumal a awmloh laiin, Chin State lam atanga rawnlut ni a ngaihtheih a awm thin hi a ni awm e.

YLA chuan Kumpuan ah meuh neiin hma a la leh ta a, YLA hian tlawmngaia sual do tur Member a ngahin, a neitha tawk a, an mamawh lianber ni thin leh la nireng chu a taka pawnlam atanga thlawptu an ni.

Tuilo, chawlovin Tlangval tlawmngaite an chechhuak reng theilo, Indo nan Silaimu a pawimawh, Ruihhlo do nan YLA in a mamawh lianber chu sum a ni, a dang zawng chu a neisa, helam hawia YLA tha tichak tur hian a chethei leh kawng dap thiamte an chetchhuah a pawimawh khawpin a rinawm.

Tumah an chelo a nih pawn YLA chuan tha a thlah dawnlo tih erawh hria ila, ka ram tan enge ka tihve theih tih zawhna inzawt chungin Ruihhlo do nan mahni theihna zawna chetchhuah erawh khua leh tuite bat a ni ngei ang.